ಜಿನ ಭಕ್ತಿ  ಹೊಂದಿದ ಮಹಾನ್ ಪಂಡಿತೇ, ಕವಿಯತ್ರಿ, ಸಾಹಿತಿಯಾಗಿದ್ದ.   "ಜಕ್ಕಲಾಂಬೆ".  ಅನ್ಯ   ಮತಾವಲಂಬಿಗಳಿಂದ ಶೋಷಿತಳಾಗಿ ಕೊಲ್ಲಲ್ಪಟ್ಟಳು,ಆ ಸಮಯದಲ್ಲಿ ಅದೇ ದುರಾಳರು ಜೈನ ಬಸದಿಗಳನ್ನು ಹಾಳು ಗೆಡವಿದ್ದಲ್ಲದೆ ಮುನಿಗಳನ್ನು ಶೋಷಿಸಿದರು.

ಜೈನ ಧರ್ಮ ವಿಶ್ವಧರ್ಮವಾಗಿದ್ದು ,ಸಮಾಜದ ಶಾಂತಿ, ಅಹಿಂಸೆ ,ಸಂಸ್ಕೃತಿ ಸಂಸ್ಕಾರದ ಅಳಿವು ,ಉಳಿವು ,ಏಳಿಗೆಗೆ ಮಹತ್ವದ ಕೊಡುಗೆ ನೀಡಿದೆ .ಆದರೆ ಆಧುನಿಕತೆಯ ಜಂಜಾಟ ಉದಾರಿಕರಣ , ಪಾಶ್ಚಿಮಾತ್ಯ ಸಂಸ್ಕೃತಿಯ ಸೋಗಿನಿಂದ ಹಾಗೂ ಕೆಲ ಧರ್ಮಗಳ ಆಕ್ರಮಣದಿಂದ ಜೈನ ಧರ್ಮ ಅಳಿವಿನ ಅಂಚಿನತ್ತ  ಸಾಗುತ್ತಿದ್ದಾಗ  ಶಾಂತಿ ,ಆಹಿಂಸೆ ,ಧರ್ಮ- ಸಂಸ್ಕೃತಿ ಗಳ ರಕ್ಷಣೆಗೆ ಆಗಮಿಸಿದ್ದೆ ಅಖಿಲ ಕರ್ನಾಟಕ  ಜೈನ ಮಹಿಳಾ ಒಕ್ಕೂಟ.

ದಿನಾಂಕ 29.01.1999 ರಂದು ಬೆಂಗಳೂರಿನ ಚೌಡಯ್ಯ ಮೆಮೋರಿಯಲ್ ಹಾಲ್‌ನಲ್ಲಿ ನಡೆದ ಕಾರ್ಯಕ್ರಮ ಕರ್ನಾಟಕದ ಜನತೆಗೆ ಅವಿಸ್ಮರಣೀಯವಾದುದ್ದು. ಶ್ರೀ ಕ್ಷೇತ್ರ ಧರ್ಮಸ್ಥಳದ ಮಾತೃಶ್ರೀ ರತ್ನಮ್ಮ ಹೆಗಡೆಯವರನ್ನು ಕರ್ನಾಟಕದ ಎಲ್ಲಾ ಮಹಿಳಾ ಸಮಾಜಗಳು ಸೇರಿ ಸನ್ಮಾನಿಸಿ, ಸತ್ಕರಿಸಿದ ಸುದಿನ.  ಈ ಶುಭ ಸಂದರ್ಭದಲ್ಲಿ ಅಸ್ತಿತ್ವಕ್ಕೆ ಬಂದಿದ್ದೆ "ಅಖಿಲ ಕರ್ನಾಟಕ ಜೈನ ಮಹಿಳಾ ಒಕ್ಕೂಟ" ಶ್ರೀಮತಿ ಹೇಮಾವತಿ ಹೆಗಡೆಯವರು ಒಕ್ಕೂಟದ ಗೌರವಾಧ್ಯಕ್ಷರಾಗುವುದು ಒಕ್ಕೂಟದ ಗೌರವವನ್ನು ಹೆಚ್ಚಿಸುವುದರ ಜೊತೆಗೆ ಹೆಮ್ಮೆಯ ವಿಷಯವಾಗಿದೆ. ಒಗ್ಗಟ್ಟಿನಿಂದ ಒಂದಾಗಿ ಇರಲು ಎಲ್ಲಾ ಮಹಿಳಾ ಸಮಾಜಗಳು ಒಕ್ಕೂಟಕ್ಕೆ ಸದಸ್ಯರಾಗುವಂತೆ ವಿನಂತಿಸಿಕೊಳ್ಳಲಾಯಿತು. ಒಕ್ಕೂಟ ಸ್ಥಾಪನೆಯಾದಾಗ 50 ಮಹಿಳಾ ಸಮಾಜಗಳು ಸದಸ್ಯರಾಗಿದ್ದರು. ಅದು ಇಂದು 150 ಹೆಚ್ಚು ಸಮಾಜಗಳು ಸದಸ್ಯತ್ವವನ್ನು ಪಡೆದಿವೆ

ಜೈನ ಧರ್ಮದ ಅಭಿವೃದ್ಧಿಯ ಕನಸನ್ನು ಹೊತ್ತ  ಧರ್ಮಸ್ಥಳದ  ದಿ.ರತ್ನಮ್ಮ ಹೆಗಡೆ  ಅವರ ಕನಸನ್ನ ನನಸಾಗಿಸುವ ದೃಷ್ಟಿಯಿಂದ ಶ್ರೀಕ್ಷೇತ್ರ ಧರ್ಮಸ್ಥಳದ ತ್ರಿವೇಣಿಯರಾದ ಮಾತೃಶ್ರೀ ಹೇಮಾವತಿ .ವೀ. ಹೆಗಡೆ ,ಶ್ರೀಮತಿ ಅನಿತಾ ಸುರೇಂದ್ರ ಕುಮಾರ್ ಹಾಗೂ ಶ್ರೀಮತಿ  ಸುಪ್ರಿಯಾ ಹರ್ಷೇಂದ್ರ ಕುಮಾರ್ ರವರು ,ಈ ಜೈನ ಧರ್ಮ ವನ್ನು  ಅಭಿವೃದ್ಧಿಪಡಿಸಿ , ಜೈನ  ಸಂಘಟನೆಯನ್ನು ಬಲಪಡಿಸುವ ಕಾರ್ಯವನ್ನು ಕಿಗೆತ್ತಿಕೊಂಡಿದ್ದಾರೆ.

ಅಖಿಲ ಕರ್ನಾಟಕ  ಜೈನ ಮಹಿಳಾ ಒಕ್ಕೂಟ ಇತ್ತೀಚಿನ ದಿನಗಳಲ್ಲಿ ತುಮಕೂರಿನ ಶ್ರೀಮತಿ ಶಾಂತಾ ಸನ್ಮತಿಕುಮಾರ್, ಹುಬ್ಬಳ್ಳಿಯ ಶ್ರೀಮತಿ ನಳಿನಿ ಜವಳಿ, ಹಾಸನದ ಶ್ರೀಮತಿ ಕೇಸರಿ ರತ್ನರಾಜಯ್ಯ, ಮೈಸೂರಿನ ಶ್ರೀಮತಿ ಶೀಲಾ ಅನಂತರಾಜು ಹಾಗೂಬೆಂಗಳೂರಿನ ಶ್ರೀಮತಿ ಪದ್ಮಿನಿ ಪದ್ಮರಾಜ್ ಈ ಸಂಘಟನೆಯ ಏಳಿಗೆಗೆ ಹಲವಾರು ಅಭಿವೃದ್ಧಿ ಕಾರ್ಯಕ್ರಮಗಳನ್ನು ರೂಪಿಸಿ ನಾಡಿನಾದ್ಯಂತಸಂಚರಿಸಿ, ಸಂಘಟಿಸಿ, ಏಳಿಗೆಗಾಗಿ ಶ್ರಮಿಸಿದ್ದು, ಈಗ ಅಖಿಲ ಕರ್ನಾಟಕ ಜೈನ ಮಹಿಳಾ ಒಕ್ಕೂಟದ ಸಂಘಟನೆಯ ಸಾರತ್ಯವನ್ನು ಕರ್ನಾಟಕದದಾವಣಗೆರೆಯ ಶ್ರೀಮತಿ ಪದ್ಮಪ್ರಕಾಶ್ ಹೊತ್ತಿದ್ದಾರೆ.